MFA Futsal League champion C. Lalmuana Memorial FC

MFA Futsal League 2026-ah Chanmari club C. Lalmuana Memorial FC chuan FC Tyristor 9 - 4 a sawpin an champion. Futsal League-ah C. Lalmuana Mem FC vawi khat champion-na a ni a, Chanmari club vawi thum an champion-na a ni thung.

Futsal League hi kum 2018 aṭanga khelh ṭan kha a ni a, inelna hmasa pahnihah Chanmari Zothan Futsal an champion. Tun ṭum inelna hi vawi sarihna a ni a, February 20, Zirtawpni zan khan R. Dengṭhuama Stadium, Mualpuiah final khelh niin C. Lalmuana Memorial FC leh 2023 champion FC Thyristor an inhmachhawn.

Final boruak sangah C. Lalmuana Memorial FC squad chhahna a lang a, Lalremtluanga leh F. Lallawmkima ten goal li ve ve khungin Thanglalven Gante-in goal khat a khung bawk. Chanmari club hian nomawi an chawi avangin Mizoram aiawhin AIFF Futsal Club Championship 2025-26 an khel ang.