Ruahsur vangin inhnehtawk

T20 World Cup 2026 Super 8-ah Inrinni khan New Zealand leh Pakistan te chu R. Premadasa Stadium, Colombo-ah inhmachhawn tur ni mah se ruah sur vangin an inkhel thei lo. Team pahnih hian point khat ve ve an hmu a, chak zawk an awm loh avangin semifinal luh inchuh boruak a nung sawt ang.

Pakistan hian February 24, Thawhlehni zan dar 7:00-ah England an hmachhawn ang a, New Zealand hian February 25, Nilainiah inelna thlengtu Sri Lanka an hmachhawn zui dawn. Zanin dar 7:00-ah West Indies leh Zimbabwe te an inkhel ang.