Wirtz a la chiang lo

Liverpool-in Nottingham Forest lakah, starting XI-ah Florian Wirtz an dah a, mahse, warm up-na lamah inhliamin, a inlan thei lo. Slot chuan a player inhliam chu a dam thuai a beisei thu a sawi chhuak.

Liverpool boss chuan, "Warm up lai khan a hnung kha na a ti tawh a, a serious loh ka beisei," a ti a, engmah a la chian loh thu a sawi. Slot chuan sawi zawmin, "100% a inkhel turin a inpeih lo a, a tlin bawk lo.

"Wirtz hian Premier League-ah thla ruk emaw thla riat emaw vel hun a hmang tawh a, chuvang chuan thiam viau mah se, hetiang level-a khelmual lut tur chuan 100% nih a ngai tih a hrethiam tawh.

"Chuvang chuan inkhelhtir loh mai kha a fuh zawkah kan ngai a, karlehah chuan kan hnenah a awm ve leh tawh kan beisei. Mahse, beisei angin thil a thleng vek lo tih chu kan hriat kha," a ti a, a la chiang bik rih lo hle.

Liverpool hian February 28, Inrinni zanah league match khelh tur an nei ve leh dawn chauh a, West Ham an mikhual dawn a ni.