Bobby Madley-a lo kir dawn

Premier League referee ni ṭhin Bobby Madley chu kum 2018 hnuah English football-ah a lo kir leh dawn a, mahse English top flight football-ah ni loin League One leh League Two lamah hun a hmang leh phawt ang. 

Madley hian kum 2018 khan pianphunga rulban lo hmuhsitna video a siam chu a ṭhianpa hnenah a thawn a, a ṭhianpa hian Professional Game Match Officials Limited (PGMOL) lamah thawn chhawngin ban a ni. 

Kum 34 mi referee chuan, "Atthlak leh mawl taka ka chet dan avangin ka nuam tih em em hna chu thla 18 kal ta khan ka chan a, he hun duhawm tak pek ka ni leh ta hi ka lawm takzet a ni," tiin a sawi. 

Madley hian kum 2013-2018 inkar khan top flight match 91-a enkawl a, ban a nih hnu hian Norway-ah pemin division hniam lamah match official hna a thawk chhunzawm. 

English football-a a rawn kir leh dawn takah chuan FA discrimination workshop-a chhim a, tun season chhung chu grassroot lamah a thawk rih phawt bawk ang.