AFC Academy leh Electric Veng an chak

MFA Cup vawi 24-na quarterfinal-ah nimin khan Aizawl FC Academy leh champion lai Electric Veng FC ten an khingpui Lunglei club Ramthar FC leh Champhai club Kanan SC te hnehin semifinal an lut. Final khel tur zawnna hi February 25, Nilaini hian C. Ṭhuamluaia Mual, Lungleiah khelh a ni ang.

Nimin inkhelah Aizawl FC Academy-in khawtual club Ramthar FC 5-2 in an hneh a, coach Samuel Lalrinngheta Fanai hoten hnehna chang turin harsatna an tawk lo. Champion lai Electric Veng pawh an chak chiang viau. Kolasib club hian MPL-a tawnhriat nei ṭha player an la khawm a, Kanan SC an hneh ṭumah hian Lalthanpuia'n (Tepuia) goal hnih a khung bakah Lalthlanawma leh MS Dawngzuala ten goal khat ve ve a khung.