Sterling a inkhel leh ta

English forward Raheem Sterling chu a club thar Feyenoord tan a inlan a, thla kua zet a game pangngai a khelh loh hnua a inlanlehna hmasa ber a ni. Pathianni zan khan Feyenoord hian an mualah Telstar 2-1 in an hneh a, Sterling hi minute 61-naah bench aṭanga dahluh a ni.

Kum 31 mi Sterling hi coach Robin Van Persie-a'n chhawr ran a duh avangin Tubize, Belgium-ah Feyenoord training a neihpui hial a, an training ground pangngai aṭanga km137 zeta hla a ni. English forward hian Dutch club a zawm tirh hian work permit a neih loh avangin Netherlands ram chhungah training a nei thei lo.

Sterling chuan,"Ka taksa a fit leh theih nan ka theihtawp ka chhuah dawn a, tun hi bul ṭanna ṭha tak niin ka hria. He lai hmunah hian chona thar hmachhawn turin ka lo kal a, ka team hi a sang thei ang ber thlenpui ka tum dawn a ni," a ti a, a club tharah a phur hle.