Wemby hoin Spurs-in Pistons an hneh

NBA regular season khelh meka che ṭha tak, Detroit Pistons chuan nimin zing khan 114-103 in San Antonio Spurs an hneh lo a, Victor Wembanyama an ngam lo hle.

Little Caesars Arena, Detroit-a inkhelah Spurs tan Wemby-a'n point 21 neiin, rebound vawi 17 zet a la a, block vawi ruk neiin double double a siam. Wemby bakah Stephon Castle a khel ṭha a, Castle hian point 16 leh assist 11 a neiin double double a siam ve bawk.

Anni bakah hian Devin Vassel khel ṭha bawkin point 28 a score a, ani aia score hnem an awm lo.

Pistons tan Jalen Duren-a'n point 25 score in, rebound vawi 14 a la a, Cade Cunningham (16 pts, 10 ast) leh Ronald Holland II (15) te khel ṭha viau mah se Spurs hneh nan a tawk zo lo a, a tlawm zawkah an ṭang.

Spurs hi tun hnaiah an khel ṭha a, an match hnuhnung pakuaah chak vekin Western Conference-ah pahnihnaah an awm a, an chungah champion lai Oklahoma City Thunder chiah an awm.

Hetihlai hian Pistons erawh Eastern Conference-ah pakhatnaah an awm chhunzawm zel a, match 56 an khelh tawhah vawi 42 an chak tawh a, vawi 14 an tlawm tawh thung. Pistons hian playoff khel turin dinhmun ṭha takah an awm tawh a, mahse Spurs laka an result hi lawmna tur a ni lo.