Windies an chak chiang

T20 Cricket World Cup-ah West Indies chuan Thawhṭanni zan khan Zimbabwe 107 runs-in an sawp a, chiang taka an chak avangin semifinal kawng a inhawng zau. Chutihrualin India tan semifinal kalkawng a harsat phah dawn.

Wankhede Stadium, Mumbai-a inkhelah Shimron Hetmyer-a'n ball 34 lekah 85 runs a siam a, six leh four vawi sarih ve ve a vaw chhuak. Windies hian over 20-ah 254/6 runs an siam pha a, Zimbabwe tan a tam mah mah.

Zimbabwe hian over 17.4-ah 147 runs chauh an siam a, Windies bowler Gudakesh Motie (28/4) leh Akeal Hosein (28/3) te an ngam lo. Group match-ah Zimbabwe hian Australia leh inelna thlengtu Sri Lanka te hneh mah se Super 8-ah erawh an ruh a la no deuh.