Juventus-in Spalletti chelh tum

Serie A club lar Juventus chuan tun hnaiah an beisei ang result nei thei lo mah se, coach Luciano Spalletti chungah erawh rinna nghah chhunzawm an duh a, an coach hian khawdang a hawi hmain contract thar ziahpui an tum.

Kum 66 mi Spalletti hian October 30, 2025 khan Juventus hi a enkawl ṭan ve chauh a, season tawp atan chauh contract hi ziakin, kum khat dang pawhsei theih tura ruahmanna siam a ni.

Mahse, kum 22 hnua Serie A-a Napoli champion puitu coach hi Juve hian an hnena cham tura thlun ngheh an duh a, kum rei zawk atan contract zawrh an tum niin an sawi.

Serie A Coach of the Year pawh vawi thum ngawt lo ni tawh Spalletti hi Juventus hian chelh an tum a ni mai lo a, nipui huna squad siksawi an tumna kawngah an coach hi thuneihna tawp pek an tum.

Spalletti hian a player duhzawng chiah la lutin, a duh loh chu a chhuahtir thei dawn tihna a ni a, Juve hian an club champion khat tak din thar turin an beisei tlat niin Italian media ṭhenkhat chuan an tarlang.

Italian coach Spalletti hian Russian Premier League-ah Zenit Saint Petersburg chu vawi hnih ngawt league champion a lo nihpui tawh a, Napoli pawh 2022-23 season-ah Serie A champion an ni bawk.

Spalletti hnuaiah Juve hian league match 25 khel tawhin 13-na an ni mek a, vawi ruk chakin, vawi ruk a tlawm zawkah an ṭang a, table-ah pangana an ni mek - point li ngawtin Champions League khel phak thei china awm, palina AS Roma chu an phak lo.