World Cup aṭangin Sri Lanka an tla

T20 World Cup 2026-ah inelna thlengtu Sri Lanka chuan Nilaini khan New Zealand 61 runs-in an hneh lo a, Super 8 an lut thei tawh lo. Black Caps erawh hnehna an chan avangin semifinal luh an hnaih sawt a, group 2 aṭang hian England-in semifinal an lut tawh.

Zanin dar 7:00-ah hian New Zealand-in England an hmachhawn dawn a, Black Caps tan inkhel dang result nghah loa semifinal lut turin chak a ngai. Chutihrualin New Zealand hi chak lo pawh ni se an NRR a ṭhat avangin semifinal lut turin an dinhmun a ṭha hle.

Tun dinhmunah New Zealand NRR hi 3.05 a ni a, an elpui Pakistan erawh −0.461 a ni. Shaheens hian England puihna an mamawh a, Three Lions hi an chak a nih pawhin inelna thlengtu Sri Lanka hi February 28, Inrinni zana an hmachhawn hunah an sawp a ṭul dawn.