Spurs-in Thunder an um zel

NBA regular season khelh mekah San Antonio Spurs an che ṭha zel a, nimin zing khan Spurs hian 110-107 in Toronto Raptos an hneh a, Western Conference-ah pahnihnaah awm chhunzawmin hmahruaitu Oklahoma City Thunder an hnaih zel.

Scotiabank Arena, Toronto-a inkhelah Spurs tan Devin Vassel chuan point 21 a nei a, a score sang ber. De'Aaron Fox (20), Dylan Harper (15) leh Stephon Castle (13) te an che ṭha a, Victor Wembanyama chuan point 12 chauh score mah se game chhungah a ṭangkai a, defence leh offence-ah a ṭangkai lehpek hle.

Raptors tan leh Brandon Ingram-a'n point 20 leh assist 11 a nei a, Immanuel Quickley-a'n point 20 neiin khel ṭha viau mah se Spurs hneh nan a tawk zo lo. Spurs hi a zawnin match 10 an chakna chiah a ni a, 2015-16 season hnua match 10 an hcak zawn lehna chiah a ni. Spurs hian match 58 khel tawhin vawi 42 an chak tawh a, vawi 16 an tlawm zawkah an ṭang thung a, an chesual viau te a nih loh chuan playoff an khelh ngei a rinawm.