Lautaro Martinez a la inlan dawn lo

Inter Milan forward Lautaro Martinez chu a chawn hliam avangin a la chawl dawn a, zanin dar 1:15-a Genoa an mikhual hunah a tel ve dawn lo

Martinez hi February 18-a Bodo/Glimt an hneh loh ṭum khan lakchhuah a ni a, a hliam endik a nih hnuah a chawlh chen tur tarlan ni lo mah se Lecce leh second leg-a Bodo/Glimt nen an inkhelh ṭumin a inlan tawh lo.

Argentine forward Martinez hi tun season-ah a che ṭha a, inelna hrang hrangah goal 18 a khung tawh a, Serie A bikah goal 14 khung tawhin a ni aia khung hnem an awm lo.

Martinez tel loin Inter an danglam a, Pio Esposito, Marcus Thuram leh Yoan Ange-Bonny te awm tho mah se an innghahna ber a ni. Kumin June-a khelh tur World Cup-ah pawh Argentina tlarhma innghahna tur pakhat a ni.

Inter hi Serie A-ah point 10-in hma an hruai fal tawh a, Coppa Italia-ah semifinal thleng tawh mah se Bodo/Glimt an hneh loh avangin UCL aṭanga pet chhuah an ni a, treble champion an beiseina a tawp. Serie A leh Coppa Italia-ah chiah nomawi an beisei tawh avangin Cristian Chivu nauten chetsual an tum tawh dawn lo.