De Jong chawl rei dawn

Barcelona midfielder Frankie De Jong chu training-naah a inhliam a, a chawlh chen tur hi chiang taka tarlan awm lo mah se kar nga aṭanga kar ruk bawr vel chawl tura ngaih a ni.

Kum 28 mi De Jong hi tun season-ah Barca midfielder rinrawl a ni a, Pedri leh Gavi te hliamin a tlakbuak avangin season dang aiin a inlan hnem. A inhliam hi club tan channa nasa tak a tling.

Dutch midfielder De Jong hian Copa del Rey semifinal second leg-a Atletico Madrid an tum hunah a inlan thei dawn lo a, Champions League round of 16-an khelh hunah a tel ve dawn lo bawk.

Catalan club hian zanin dar 8:45-ah Villarreal an mikhual dawn a,Barca hi inelna an hmachhawnah an la dam kim vek avangin quadruple champion nih an inbeisei mek. La Liga-ah an hmelma Real Madrid-in an chetsual an chan ve reng avangin Barca tan chetsual a thiang lo.