Medvedev tan nomawi

Daniil Medvedev chuan Inrinni zan khan Dubai Tennis Championships nomawi a chawi. Final-a Russian player khingpui tur Tallon Griekspoor chu semifinal-a a chak ṭumin a inhliam a, a inhnuhdawh avangin thlan tla loin Medvedev-a'n hnehna a chang.

Dutch player Griekspoor hian semifinal-ah Andrey Rublev 7-5 7-6 (8-6) a hneh a, Zirtawpni zan inkhelah hian a malpui vei lam a tihhliam avangin final-ah a inlan thei lo.

Medvedev chuan, "Hetiang anga nomawi chawi hi chu ka duh dan a ni lo. Tallon a hliam a dam vat theih nan duhsakna ka hlan," tiin a sawi. Kum 2023 khan Medvedev hian Dubai Tennis Championships-ah hian nomawi a chawi tawh a, Dubai C'ship hi inelna pakhata vawi hnih a champion-na hmasa ber a ni.