PSG-in Lens tlansan

Inrinni zan khan Paris Saint Germain chuan, an mikhualna ramah Bradley Barcola goal hmangin Le Havre an hneh a, anmahni hnaih bertu RC Lens chu Strasbourg lakah an chetsual avangin an inkar a zau sawt.

Stade Océane, Le Havre-a inkhelah PSG tan Barcola-a'n minute 37-naah a tauh goal a, goal luh theih nana Lee Kang-in ball cross a ṭha hle.

Goal an khung hnuah PSG-in chance vawi tam an nei a, Khvicha Kvaratskhelia a hmuhnawm a, Georgian forward hian second half-ah goal ban a pet per dawp a, goal erawh a keng tel lo.

French winger Desire Doue-a'n minute 79-naah penalty a hlah a, Le Havre keeper Mory Diaw-a'n ṭha takin a dansak. Goal dang khung thei lo mah se PSG-in goal an chhuah loh avangin harsatna tawk loin hnehna an chang.

PSG hian point 57 hmuin hma an hruai chhunzawm a, point liin Lens aiin an sang zawk. Luis Enrique naute hian an hmahruaina belhchhah mah se thlamuang taka awm hman an la ni lo a, match 10 khelh tur a la awm a, Champions League match khelh tur an la neih bawk avangin chetsual theihna chance an la nei.