Lalmalsawma Memorial Futsal Vawiin aṭangin Entry Fee pek theih

Lalmalsawma Memo-rial Futsal MFA Inter Village Futsal Tournament 2020 entry fee Rs 1,000 chu vawiin aṭangin MFA Office, City Park-ah office hun chhungin a pek theih.

Inelna hi February 18, 2020-ah khelh ṭan tur a ni a, Malsawma's Yard, Durtlang Leitanah chhun leh zana khelh tur a ni. Veng/khaw khat aṭangin team hnih a chhuah  theih a, February 7 thleng  a pek theih. Champion team hian Rs 70,000 a dawng ang a, pahnihnain Rs 40,000 dawngin semi finalist-ten Rs 10,000 ve ve an dawng ang.

Team tel turin Village Council/Local Council hriatpuina an neih tel a ngai a. Player-in Voter ID a neihna khua/vengah an khel tur a ni a, an khua/veng an chhuak lo a nih chauhin a awmna veng/khua (present address) ah a khel thei ang.