Arsenal leh set piece

Chelsea lakah Arsenal khel hmuhnawm tawk lo mah se, a pawimawh ber point thum an hlawh chhuak a, an 'specialist' na set piece-ah bawk an che ṭha nawn.

Gunners hian tun season-ah corner aṭangin goal vawi 16 ngawt an khung ta a, tun season-ah anni aia corner aṭanga goal khung hnem zawk an awm lo.

Premier League season khata corner aṭanga goal khung hnem ber record, Oldham (1992-93), West Brom (2016-17) leh anmahni record vek, 2023-24 a siam lo ni tawhte chu an nih rual - khum thei dinhmunah an ding mek.

Tun season Premier League-ah Gunners hian corner aṭangin chakna goal vawi kua zet an khung ta a, 2012-13 season-a Manchester United (pariat) record chu an khum.

Hei chauh a la ni lo cheu - vawi kua zet chu corner aṭanga an goal khung hmangin 1-0 in hma an hruai ta a, hei pawh record tho niin, 1994-95 season-a Southampton (9) record lo siam tawh chu an nih rual.

Arsenal tan tun season-a league goal khung hnem ber chu Viktor Gyokeres niin, Swede striker hian goal 10 chiah a la khung a, table hnuai lam team-ah a ni tlangpui bawk!

Gyokeres hnaih bertu Eberechi Eze hian goal ruk a khung tawh a, mahse, heng zinga goal nga hi Tottenham Hotspur lakah a ni!

Bukayo Saka, Leandro Trossard leh Martin Zubimendi ten goal nga ṭheuh an khung tawh a, a tawi zawnga sawi chuan Gunners tlarhmaten goal an khung tam tawk lo - hei hian set piece an chhawrzia a pholang ti pawhin a sawi theih.