IFL-ah Sreenidi chauh an chak

Indian Football League round khatna chu Pathianni zan khan khelh zawh a ni a, Sreenidi Deccan chauhin hnehna an chang. Sreenidi hian match hmasa berah Kolkata club ṭha Diamond Harbour chu 1-0 in an hneh. Hyderabad club tan Lalthankhuma (TK-a) leh Lalromawia ten bul an ṭan a, March 7, Inrinni zanah Chanmari FC nen RG Stadium-ah an inkhel ang.

Pathianni zanah IFL inkhel pahnih a awm a, chak an awm lo. Shillong Lajong leh Rajasthan United te 1-1 in an inhnehtawk a, inkhel dangah Dempo SC leh Real Kashmir te 2-2 in an inhnethawk bawk. Rajasthan hi February 6, Zirtawpni zanah Aizawl FC nen RG Stadium-ah an inhmachhawn dawn a, Mizo mipuiin zan zawnin Indian Football League an en thei ang.