Naupangte tan Cycling Intihsiakna

Mizoram Cycling Association (MiCA) chuan March 4, Nilaini hian Ramhlun Sports Complex-ah mipa leh hmeichhe naupangte tan thirsakawr intlansiak a buatsaih dawn. Zing dar 9:30-ah a hmuna kal a, inziahluh a, intihsiaknaa tel ve nghal mai theih a ni.

Tun ṭum inelna hi MiCA-in naupang tana inelna vawi li a buatsaihna a ni a, mipa naupang te chu an kum zat a zirin category pathumah ṭhen an ni dawn. Chung category pathumte chu kum 5-9 (2017-2021), kum 10-12 (2014-2016) leh kum 13-15 (2011-2013) te an ni ang.

Hmeichhe naupangte tan pawh kum bithliah pahnih buatsaih a ni dawn a, kum 5-10 (2016-2021) leh kum 11-15 (2011-2015) ah ṭhen an ni ang.

Inelna ṭan hun hi zing dar 9:30 a nih avangin inelna hmachhawn turte chu kal hma tur a ni a, mahni cycle ṭheuh hman tur niin e-Cycle hman theih a ni lo. Entry Fee hi Rs 50 a ni a, pian kum tichiang turin birth certificate ken ngei tur a ni.