Champion inchuh tur Chanmarians leh Kulikawn

Mahuma Memorial Cricket Tournament final chu vawiin chawhma dar 9:00 hian champion lai Kulikawn leh Chanmarians ten an khel dawn. Chanmarians hian an league match hnuhnung berah Chhinga Veng ngam lo mah se semifinal-ah awlsam taka Zarkawt Lords an hneh avangin inrintawkna nasa tak nen Kulikawn an hmachhawn ang. Chanmarians tan match sarih a inlana run 157 siamtu Lalhruaizela leh match nga leka run 156 siam thei Zothansanga te an pawimawh dawn a, bowling lamah match sariha wicket 14 latu F. Lalmuanzuala chu an innghahna tur a ni.

Kulikawn-in league match-ah Chanmarians hi run 14-in ngam lo mah se league round tawp lamah an chet ṭhat avangin Chanmarians hi an hlau bik lo tawp ang. Kulikawn tan captain Michael Lalremkima bawk innghahna a ni leh dawn. Kulikawn tlangval hian match riat a inlanah wicket 23 lain run pawh 165 ngawt a vaw chhuak thei. Chanmarians bowler tan match ruk lek a inlana run 201 siamtu Prasenjit Sarkar hi ngaihthah a thiang lo bawk.

Suaka Memorial Cricket Ground, Sihhmui a inkhel hi Mizoram Cricket chanchina a vawi khat nan criccclub application hmangin Live Score/Streaming tih tum a ni.