Juve tan Bonucci a rinawm

Juventus defender Leonardo Bonucci chuan a club tan a rinawm zia tih lan nan contract thar a ziak. Serie A champion tan hian kum 2021 thleng a khel dawn tihna a ni.

Kum 29-a upa Bonuc-ci hian Bari aṭangin kum 2010 khan Turin club hi a zawm a, player pawi-mawh berte zinga mi ni chhoin match 291 a khel tawh. Juve tan hian a zawn-in league nomawi vawi nga a chawi tawh bakah Italian cup pahnih a chawi tawh a, kum 2015 Champions League final a khel bawk.

Juventus manager hlui Antonio Conte-a'n Italian defender hi Chelsea-ah lakluh a duh nia sawi a ni a, mahse tunah chuan Premier League hmahruaitu hian an player duh hi an lalut thei mai dawn loh tihna a ni.

Italy tana match 67 khel tawh Bonucci chuan, "Player ropui tak tak awm khawm zinga tel chhunzawm zel turin thu-thlukna ka siam. He hmunah hian thil tum lian tak pakhat ka nei a, chu chu a tam thei ang ber hnehna chan a ni," tiin a sawi.