Bilbao an chak

Kum 2016-a La Liga match hnuhnung berah Athletic Bilbao chuan Celta Vigo 2-1 in an hneh a, chakna goal hi injury time-a Mikel San Jose-a khung a ni.

First half-a goal a luh loh hnuah Celta Vigo-in Iago Aspas hmangin minute 54-naah hma hruai mah se minute 10 chiah khelh tur a la awm tihin defender Facundo Roncaglia hnawhchhuah a, player 10-a an khelh a ṭul phah. Spain inter-national Aritz Aduriz-a'n penalty aṭangin Bilbao siphurh a sut a, injury time minute thumnaah Spanish midfielder Mikel San Jose-a'n chakna goal a khung.

Athletic Bilbao hian an mualah match thum a zawnin hnehna an chang a, point 26 hmuin table-ah pasarihnaah an awm. Celta erawh a zawnin vawi thum an chak lo a, table-ah 13-naah an tla thla thung.