Atletico-ah Simeone a hlim

Diego Simeone chuan Atletico Madrid chu a tan inpui a nih thu leh hmun dang zawng aia nuam a tihna hmun a nih thu a sawi chhuak.

Atletico Madrid pla-yer hlui hi a inkhelh lai ai mahin manager a nih hnuah Spanish club tan a hlutna a sang zawka ngaih a ni. Kum 2011 aṭang khan Atletico hi enkawl ṭanin La Liga, Copa del Rey leh Europa League-ah te a champion tawh - hei mai bakah hian Champions League final vawi hnih a khel tawh bawk.

Argentine manager hian kum 2018 thleng daih contract a nei mek a, tun hnaiah player a nih laia match 57 a lo khelh sak tawh Inter Milan chuan an beisei hle nia sawi a ni.

Kum 46-a upa Sime-one chuan, "Kum nga chhung chu ka fate nitin hmu thei loin ka awm tawh a, hei hi Atletico enkawl ka duh vang a ni. Inelna lian leh sangah hun rei tak chhung ṭha taka khelh tluan reng a har a, thahrui hman nasat a ngaih avangin tlakhniam chang chu a awm lo thei lo," a ti.

Atletico hian tun season-ah beisei angin bul an ṭan ṭha tawk lo a, match 16 khelh tawh aṭanga point 28 hmuin La Liga table-ah 28-na an ni mek.

Simeone chuan sawi chhunzawmin, "Ka hmuh dan chuan kumin hi kan tan hun pawimawh tak pakhat a ni. Kan rilru puthmang a dik a nih phawt chuan hmalam panin kan kal thei tih ka chiang, tunhma lama chak tak leh huaisen taka kan kal ṭhin ang khan kan dinchhuah leh ngei ka beisei," tiin a sawi.