Chelsea kan la umpha thei - Pochettino

Tottenhman manager Mauricio Po-chettino chuan Premier League champion tuma inum kawngah Chelsea an la umphak theih thu a sawi.

Spurs hian October leh Novem-ber thla khan an khingpuite vawi li ngawt an inhnehtawkpui a, tunah hian league match 17 khelh tawh aṭanga point 33 hmuin table-ah pangana an ni - hmahruaitu Blues an phak lohna chu point 10 a ni der tawh.

Tottenham boss chuan, "Chelsea lakah kan la tlawm mai bik lo. Tuna kan inthlauhna hi point 10 ni rih mah se football-ah chuan thil thleng thei tam tak a awm a, inkhelh hmabak kan la ngah em avangin lungngaihna tur a awm lo. Kan dinhmun hi a la chhe lo a, zawi muangin hma lam kan pan zel ang," tiin a sawi.

Spurs hian an match hnuhnung pahnihah Hull City leh Burnley an hneh a, December 28 khian Sou-thampton an lenchilh leh ang.