Mizoram coach atan Sanga

Santosh Trophy vawi 71-naa Mizoram team enkawl tur atan Mizo-ram Premier League Season 5-a Chanmari FC champion puitu coach Lalsangzuala Hmar ruat a ni. Manager atan Lalthanzama Van-chhawng ruat a ni a, assis-tant coach-ah Anand Gurung a awm bawk.

Mizoram team hian December 19, Thawh-
ṭanni aṭang khan Lam-mualah training an ṭan a, final squad an la puang lo. Kumin North East Zone Qualifier hi Shillong-ah khelh a ni dawn a, Mizoram hi Manipur leh Tripura nen group khatah awmin team pakhatin final round an lut ang.

Mizoram hian Janua-ry 2, 2016-ah Shillong panin Mizoram an chhuah-san ang a, January 4-ah Tripura an hmachhawn ang. January 8-ah Mizoramin tun hmaa North East football powerhouse tia sawi ṭhin Manipur an hmachhawn dawn. Manipur hian Santosh Trophy hnuhnung pathum final round an khel pha tawh lo a, vawi hnih hi Mizoram an ngam loh vanga khel lo an ni.