Jamie Vardy red card khinglet

Premier League champion Leicester City chuan Stoke City nen 2-2 a an inhnehtawk ṭuma stri-ker Jamie Vardy red card hmuh chu an khinglet. English striker hian a ke pahnih hmanga Mame Diouf a tlawh thluk avangin minute 28-naah hnawhchhuah a ni.

England international hremna hi kaltlangpui a nih chuan match thum chhung inkhel thei lo tura hrem a ni dawn a, Everton, West Ham leh Middlesbrough a hmachhawn thei dawn lo tihna a nih avangin league lama talbuai mek Foxes tan channa nasa tak a ni ang.

Foxes manager Claudio Ranieri chuan inkhelh zawh khan, "Vardy khan ball chan tumin a bei a, Diouf laka foul tuma che a ni lo," tiin a player hi a lo chhan tawh a, Foxes chuan an striker red card an khinletna chungchangah chhanna an hmuh thuai an beisei thu an sawi.