MiCA naupang Cycle intlansiak zo

Mizoram Cycling Association (MiCA) buatsaih, State Level Age Group Cycling Championships 2026 chu nimin khan neih a ni a, mipa leh hmeichhe naupang inelna thirsakawr intlansiakah hian kum 15 hnuai lam naupang 62 zetin inelna an hmachhawn.

A vawi li nana buatsaih State Level Age Group Cycling Championships hi Ramhlun Sports Complex-ah neih niin, hmeichhe inelna bik hi category khatah neih a ni a, mipa inelna hi category thumah ṭhen a ni thung.

Mipa naupangte hi kum 5-9, 10-12 leh 13-15 inkara inelna hi kalpui a ni a, category tina pakhatnate hian Rs. 2,000 ṭheuh dawngin, pahnihnain Rs. 1,500, pathumnain Rs. 1,000 te an dawng a ni.