A ngai bawk a ni e - Slot

Liverpool-in hun pek belhah goal an chhuah a, tun season-ah injury time goal vanga an tlawm vawi ngana chiah a ni - Reds tan record duhawm lo tak a tling.

Merseyside club coach Arne Slot chuan, "Eng tin nge ka sawifiah chuan ang? Thawnthu ngai bawk a thleng leh ta a nih hi," a ti a, hun pek belha goal chhuah an ching lutuk chu siam ṭhat a duh.

Slot chuan sawi zawmin, "Tun season-ah hian ka beiseina ringawt pawh a inthlak kual fo ta. Tuna kan buaina anga buai fo hi chu ka beisei loh lam a ni a, kan tan result ṭha a ni hlawl lo a ni," a ti.

Dutch coach chuan sawi zawmin, "Keini aia hniam zawk team laka point kan hloh vawi khatna a ni lo a, en liam mai theih a ni lo. Chutihrual chuan, Wolves khelmuala talbuai hmasa ber erawh kan ni lo.

"Arsenal-in he hmunah hian point an hloh tawh a, Aston Villa lah chuti bawk a ni. Wolves hi an kaltluang rih deuh a ni," a ti a, anmahni ang thoa Wolves laka chak zo lo team a sawi lang.

Liverpool captain VVD chuan, "A mawhphurtu kan ni. Kan muang em em a, kan chet dan tur a hriat lawk theih emaw tih mai tur a ni. Thutlukna kan siam sual fo a, ball kan chanin kan hlauhawm chuang si lo.

"Khatianga khelhte chuan hei hi result awm reng a ni," a ti a, an khelh danah a lawm lo - VVD tan ama khelh dan ngei pawh en let a fuh ang!