Thunder tan Holmgren leh SGA

NBA regular seasonn khelh mekah nimin zing khan Oklahoma City Thunder chuan 103-100 in New York Knicks an hneh a, Thunder tan Chet Holmgren leh Shai Gilgeous-Alexander te an che ṭha a, Knicks-in an ngam meuh lo.

Madison Square Garden, New York-a inkhelah Thunder tan Holmgren-a'n point 28 neiin inkhel zingah ani aia score hnem an awm lo a, rebound vawi riat a la bawk. Holmgren bakah SGA a che ṭha a, Canadian shooting guard hian point 26 leh assist pariat a nei a ni.

Anni bakah hian Luguentz Dort (16) leh Jaylin Williams (8) te an che ṭha a, Holmgren leh SGA an thlawp ṭha a, Thunder chak nan an thawh hlawk hle.

Knicks tan Karl-Anthony Towns (17), OG Anunoby (16), Jalen Brunson (16), Mikal Bridges (15) leh Landry Shamet (14) te khel ṭha viau mah se an vanneih ṭum a ni lo a, an home-a OKC hnen nan a tawk zo lo.

OKC tan an thiampuipa SGA a dam leh tawh a, Shai hian game kua zet a chawl hman a, February 28, Inrinni khan rawn let lehin Denver Nuggets lakah point 36 a nei nghal a, a chawlh chhungin a thiam a la theihnghilh lo tih a lantir.

Thunder hi Easter Conference-ah pakhatnaah an awm zel a, vawi 49 chak tawhin vawi 15 an tlawm tawh. March 1, Pathianni zinga Dallas Mavericks an hneh khan playoff khel turin an tling tawh a, playoff khel tura tling hmasa ber an ni.