PSG hmaa ding tur Monaco

Champions League playoff-a an inhmachhawn hnuah Paris Saint Germain leh AS Monaco te Ligue 1-ah an intawng leh dawn a, zanin dar 1:15-ah Parc des Princes-ah an inkhel dawn.

Tun season-ah Monaco-in beisei an phak lo a, Ligue 1-ah pasarihna an ni mek a, inelna an hmachhawn tawh ho an tla vek tawh bawk. UCL aṭanga pet chhuaktu chu PSG hi an ni a, league table hmahruaitu an nih bawk avangin champion tir an duh dawn lo a, an kawng dalsak an tum dawn.

Monaco-in inhliam an ngah a, Mohammed Salisu, Takumi Minamino, Paul Pogba leh Lukas Hradecky te chu inhliam an neih sa an ni a; Eric Dier, Kassoum Ouattara leh Krepin Diatta te dinhmun a chiang lo bawk.

Monaco-in inhliam ngah mah se PSG an hlau lo a, Champions League-ah pawh an vanduai vang liau liauin an hneh lo a, zaninah hneh ngei an tum tawh ang.

Hetihlai hian PSG pawh an dam kim bik lo a, Senny Mayulu, Ousmane Dembele, Fabian Ruiz, Joao Neves leh Quentin Ndjantou Mbitcha te dinhmun a chiang lo vek.

PSG-in inhliam an nghah tluk zetin anmahni thlak tur an ngah a, position tinah duhthlan tur an neih vek avangin rinkai zawk an ni tho. Dembele awm loh mah se goal kua khung tawhtu Bradley Barcola a awm a, Khvicha Kvaratskhelia leh Desire Doue te nen an inkawp a rinawm.