Neymar-a'n Kobe Bryant a hre reng

Paris St-Germain star Neymar chuan 2-0 a Lille an hnehna inkhelah goal hnih a khung a, a goal khung hi basketball legend thi ta Kobe Bryant hriatreng nan a hlan. 

Pathianni zan zanlaiah Kobe Bryant hi helicopter chesual avangin a fanu nen an thi a, hetihlai hi Ligue 1 match khelh lai a ni.

Neymar hian first half-ah ṭha zetin goal hmahruai a khung a, second half-ah penalty aṭangin goal hnihna a khung zui - goal hnihna a khung hnu hian a kutin Kobe jersey number '24' a siam a, leiah kun hniamin van lam a 

kawk bawk. 

Brazilian forward Neymar hi basketball fan a ni a, Bryant nen pawh hian lo inhmu tawhin inkawmna hun te pawh an lo nei tawh a ni. Inkhelh zawh lamah pawh Neymar hian Bryant hriatrengna thu instagram lamah a ziak a, American basketballer ropui chu 'legend' tiin a thlah.