RG Stadium-ah football hmuhnawm

Indian Football League an ṭan tlai hret a, an ṭan meuh chuan I League ngaihven ṭhat tawh loh tuai thar dik tak a ni. IFL-h hian club-ten sum ṭhahnem tak an thawhkhawm avangin inelna buatsaihtu lam pawhin theihtawp an chhuah a, live coverage a ṭhat avangin ngaihventu pawh an tam phah hle.

India rama football inelna sang ber dawttuah hian Mizo club pahnih Aizawl FC leh Chanmari FC an tel a, table-ah pakhatna leh pahnihna dinhmun an luah avangin Mizo hming an ti ṭha. Mizo club pahnih hian zin chhuak loin RG Stadium-ah match an nei chho char char dawn a, tualchhung football ngainatute tan inkhel en tur a awm ṭha dawn.

Aizawl FC leh Chanmari FC te hian 'home match' en man hi Rs 100 ve ve an bituk a, Mizo club-ten inelna hmachhawn tura sum ṭhahnem tak an sen avangin ticket lei ngeia inkhel en hi AFC leh CFC ṭanpui theihna a ni.

Mizo club ṭha pahnih hi March 24, Thawhlehni zan dar 6:30-ah an inkhel dawn a, Aizawl Derby boruak nung chho der tawh. Aizawl a sen dawn nge a pawl dawn tih a hrit thuai ang.