Lalrina Renthlei a champion

9th March, 2026

Mizoram Snooker & Billiards Association (MSBA) buatsaih Mizoram State Snooker Championship 2025 - 2026-ah Lalrina Renthlei a champion. Inelna hi March 2-7, 2026 chhung khan MSBA Hall, Hawla Indoor Stadium, Republic Vengthlang-ah khelh a ni.

Final-ah Lalrina hian PB Liansangzuala a hmachhawn a, race to 4 a khelh niin PB-a'n frame hmasa lain hma an inhruai chhawk. Lalrina'n 2-1 in hma a hruai hnuah PB-a'n rawn nihrual mah se India aiawh pawha kal tawh Tuikhuahtlang pa hian 4-2 in hnehna a chang.

MSBA hian tun thla tawp hian 9 Ball Pool Championship a buatsaih leh dawn. MSBA Hall-ah hian chawhnu dar 2:00 aṭanga zan dar 10 thleng ni khata Rs 100 chawiin pool leh snooker khelh theih a ni.