Table Tennis Championships zo

March 3, Thawhlehni aṭanga neih ṭan, 40th Mizoram State Table Tennis Championships 2025, Ruby Jubillee Edition chu March 6, Zirtawpni khan a hmawr bawk a ni.

MTT Hall, Kawltheihuan, Mission Venga neih inelna hi Mizoram Table Tennis Association buatsaih niin, 2025-2026 season kharna a ni a, category 18-ah naupang aṭanga puitling thlengin inelna neih a ni.

Mizoram hmun hrang hrang aṭangin table tennis thiam mi 140 chuang an tel a, UTT Mizoram Table Tennis Academy te chu a pumpui champion niin, anni hian gold medal panga, silver medal paruk leh bronze pakua an la thei.

Inelna ngaihhlut hlawh ber men's singles-ah Jeho Himnakulhpuingheta, Hopes TT Club chuan club khat tana a khelhpui Alberto LR. Ruata chu 4-0-a hnehin a champion a, hmeichhe lamah kum 12 mi Caroline Malsawmkimi, Hopes TT Club chuan Moumita Saha, Electric Veng TT Club chu hnehin a champion bawk.