Australian GP-ah Russel a chak

Australian Grand Prix chu Pathianni zing khan ṭan a ni a, George Russel chu pakhatna niin a chak a, Andrea Kimi Antonell chu pahnihna niin Charles Leclerc chu pathumna a ni bawk.

FIA-in rules thar a duan hnuah, Australian GP hi inelna awm leh hmasa ber a ni a, mipui ngaihven a hlawh hle. Mercedes driver Russel leh Ferrari driver Leclerc te an tlan a hmuhnawm a, inlehpel tawn zak zakin a tawpah Russel a vannei ta zawk.

British driver Russel chuan, "A nuam ka ti khawp mai, bul ka ṭan ṭha lo tih ka zep lo a, Leclerc nen kan inelna kha a pui hlein ka hria a, a dingchang zawka ka ṭang hi ka lawm hle a ni," a ti a , Australian GP ah hnehna a chang chu a lawm hle.

World champion Lando Norris chu panganaah a thleng a, palina Lewis Hamilton a tluk lo. Red Bull driver Max Verstappen chu paruknaah a thleng a, Verstappen hian 20-na aṭangin paruknaah a chho leh hman.

Hetihlai hian Oscar Piastri chu ṭan hmain a chesual a, Australian driver hi formation lap-ah chesualin inelna a hmachhawn lo a, anmahni ram ngeia inelna a hmachhawn thei lo hi Piastri hian a ui khawp ang.