PSG an chesual leh ta

Ligue 1 hmahruaitu Paris Saint Germain an chesual leh a, Zirtawpni zan khan 3-1 in Monaco an hneh lo. Monaco tan Maghnes Akliouche, Aleksandr Golovin leh Folarin Balogun ten goal khat ṭheuh an khung a, PSG tan Bradley Barcola goal khung chu an mualpho zualpui hliahkhuhtu chauh a ni.

PSG-in Champions League aṭanga an pet chhuah Monaco an mihkual a, chak tura rinkai zawk ni mah se an zuam sual. Monaco tan minute 28-naah Akliouche-a'n hmahruaina goal a khung a, Golovin-a'n minute 55-naah an hmahruai nan a belhchhah bawk.

Barcola-a'n minute 71-naah an siphurh a sut ṭhen a, PSG an phur hman viau. Mahse minute hnih hnu lawkah Balogun-a'n an chak nemnghehna goal a khung a, an mualah PSG an mualpho.

Luis Enrique hote hi RC Lens aiin point liin an sang zawk a, harsatna nei loin an kaltluang tawh dawn emaw tih laiin an chesual leh. Nizan khan Lens hian Metz an mikhual a, an result a zirin an intlauhna a danglam leh ang.