A chung berah Al Nassr

Al Nassr chuan Inrinni zan khan Neom 1-0 in an hneh a, goal awmchhun hi injury time-a Mohamed Simakan-a khung a ni. Saudi Pro League-ah Cristiano Ronaldo telna Al Nassr hian match 25 aṭangin point 64 an hmu a, a chung berah an awm.

Inkhel dangah Al Nassr elpui Al Hilal pawhin hnehna an chang a, Al Najma 4-0 in an sawp. Karim Benzema-a'n goal hnih a khung bakah Malcom leh Sergej Milinkovic-Savic ten goal khat ve ve an khung. Al Hilal hian point 61 hmuin pathumnaah an awm mek.

Pahnihnaa awm Al Ahli pawhin Al Ittihad 3-1 in an hneh ve bawk. Al Ahli tan Ivan Toney, Riyad Mahrez leh Feras Albrikan ten goal khat ṭheuh an khung. Saudi Pro League-ah table chung lama awm club pathumte an inhnaih a, champion tum tan point hloh a thiang lo.