Kerala lakah Mizoram vanduai

BN Mullick Memorial All India Police Football Tournament-ah Mizoram Police chuan quarterfinal-ah Kerala hneh loin an tla. Mizoram Police hi All India Police Meet-ah hian football-ah an la champion lo.

Quarterfinal-ah hian Mizoram Police tan R. Malsawmtluanga chuan goal a khung a, chance ṭhahnem tak an hlah bakah Kerala-in an chance neih ṭhat goal-ah an chantir avangin hun pangngaiah 1-1 a ni. Penalty shootout-ah Mizoram Police a vanduai zawkah an ṭang a, 4-3 in an chak lo. 

Lalbiaksanga Colney hote hian Police Meet-ah group stage paltlang turin Odhisa (3-1), RPF (1-0) leh Bihar (6-0) te an hneh a, pre quarterfinal-ah Tamil Nadu 5-0 in sawp leh bawk mah se Kerala an hneh loh avangin semifinal thleng zo loin an tla.