Cancer natna ngamtu Schiavone

French Open champion hlui Francesca Schiavone chuan cancer natna a vei chu a hneh thu a sawi a, tunah chuan tennis khel turin a lo kir leh tawh dawn a ni!

Kum 36 mi Schiavone hian 2010 khan Italian nula zinga a hmasa ber ni turin Paris khawpuiah hlawhtlinna a chang a, a vanglai chuan world number 4 dinhmun pawh a luah phak hial. Mahse, natna khirh tak a neih avangin a duh anga rei a inkhel thei lo a, nikum khan tennis chawlhsanin a taksa enkawl a ngai.

WTA titles pariat latu Schiavone chuan, "Chemotherapy ka la, hun harsa tak chu ka hmachhawn a, tunah chuan hnehna ka chang ta. Thla riat chhung ngawi renga ka awm chhan kha cancer ka neih vang a ni, tunah erawh inkhel turin ka lo kir dawn e," tiin instagram lamah video tawi a ti chhuak.