Match 18 chak zawn Bucks

NBA regular season kal laiah Milwaukee Bucks chuan a zawnin match 18 ngawt hnehna an chang ta. Inrinni khan Bucks hian Cleveland Cavaliers 125-108 in an hneh a, a zawna hnehna an chan rei ber dawt ṭum an tawng.

Match dang ang bawkin Bucks tan hian Giannis Antetokounmpo a che ṭha, court chhungah minute 24 hun a hman chhungin point 29 a nei a, hnehna an chan theih nan a thawhhlawk leh hle. Inkhel dangah beisei loh takin Los Angeles Clippers chu Chicago Bulls hmaah 109-106 in an tlawm a, a zawna match li chhung hnehna an chan kaltluang lai chu a tawp zui nghal a ni.