Wicket la tam Bumrah leh Varun

India-in khawvela bowler ṭha ber Jasprit Bumrah an kawl a, ODI leh Test-ah a ṭhatzia a lantir hnuah T20-ah pawh Bumrah hian bowler ṭha bik a nihzia a pholang. Bumrah hian tun inelnaah wicket 14 a la a, final-a wicket li a lak zarah wicket lak tam lamah Varun Chakravarthy a nihrual.

Varun hian final-ah New Zealand chhuanvawr Tim Seifert a vawmhlum a, wicket 14 lain Shadley van Schalkwyk (United States), Blessing Muzarabani (Zimbabwe) leh Adil Rashid (England) te aiin wicket khatin a la tam.

Bumrah pawhin Rachin Ravindra a vawm out hnuah captain Mitchell Santner, James Neesham leh Matt Henry te wicket a rawn la a, wicket li rawn la chiahin tun ṭum inelnaah wicket 14 a la ve bawk. Final-ah Bumrah hi player of the match-a thlan a ni. India chhuanvawr Bumrah hian tun inelnaah over khatah 6.21 runs ang zel chauh a pe a, T20 inelnaa hetiang economy neih theih hi a ropui hle.