Point tam zanah Spurs an dingchang

NBA regular season khelh mekah nimin zing khan San Antonio Spurs chuan 145-120 in Houston Rockets an hneh a, inkhel hmuhnawm takah Spurs-in hnehna an chang.

Frost Bank Center, San Antonio-a inkhelah Spurs tan player pali ngawtin point 20 an score tling a, Victor Wembanyama-a'n score hnem berin point 29 a score a, Stephon Castle (23), De'Aaron Fox leh Keldon Johnson (20) te Wemby hnungah an awm.

Anni bakah hian Dylan Harper (19) leh Julian Julian Champagnie (11) te an khel ṭha a, Spurs player zingah Bismack Biyombo tih loh chuan point an nei vek a, point 145 score-a hnehna an chan theih nan an thawh hlawk hle.

Rockets tan Kevin Durant leh Amen Thompson ten point 23 an nei a, an scoer sang ber. Tari Eason (20), Reed Sheppard (17), Jabari Smith Jr (17) leh Alperen Sengun (16) te khel ṭha viau mah se an vannei tawk lo a, point 25-a inthlauin Spurs an hneh lo.

Spurs hi Western Conference-ah pahnihnaah awmin, an chungah Oklahoma City Thunder chiah an awm a, playoff khel turin an dinhmun a ṭha tawh hle. An khingpui Rockets pawh palinaah awmin playoff khelh phak ngei an tum a ni.