Lens-in PSG hnaih leh sawt

Pathianni zan Serie A inkhelah RC Lens chuan an mikhual Metz chu 3-0 in an hneh a, hmahruaitu PSG nen an inkar an tizim. Lens tan Saub Abdulhamid, Florian Thauvin leh Amadou Haidara ten goal khat ṭheuh an khung a, Metz-in a chhanletna tur an nei lo.

Stade Bollaert-Delelis, Lens-a inkhelah mualneitu an chungnung zawk a, Lens hian PSG an chak lo tih hriain an inkar tihzimna hun ṭha an bawlh pelh phal lo.

Chance vawi tam an hlah hnuah First half tawp hma hretin Abdulhamid-a'n chiang takin a hlap goal a, goal khat a hmahruai chungin chawlhlawk an hmang.

Second half ṭan an ṭan deuh chiah tihin Thauvin-a'n a tawih takin a pet goal leh a, an hmahruaina a belhchhah. Lens an phur lakalwh a, minute 56-naah Haidara-a'n an goal thumna a khung a, goal dang lut loin hun a tawp zui a, nuamsa takin Lens an chak.

Lens hian point khat chiahin PSG an phak lo a, match kua khelh tur la awmin champion inchuh boruak a sang dawn chauh. Inkhel dangah Lyon-in 1-1 in Paris FC an inhnehtawkpui a, Marseille nen an point hmuh zat inang mah se goal difference-ah an phak lo a, palinaah an tla.