Punjab leh NorthEast inhnehtawk

Indian Super League khelh mekah, Thawhṭanni zan khan Punjab FC leh NorthEast United te 1-1 in an inhnehtawk a, Highlander-in ISL match li khelh tawhah chak an la nei lo!

NorthEast United hian an mikhualna ramah goal an khung hmasa zawk a, minute 60-naah Parthib Gogoi chuan goal hmahruai a khung - Mizo forward Lalrinzuala ball pek aṭanga a khung a ni.

Mahse, Punjab tan Nsungusi Jr. Effiong chuan si phurh a sut a, goal dang lut tawh loin, team pahnih hian point an insem. NorthEast United tan Rinzuala'n inkhel bul ṭanin, Lalbiakdika chu bench aṭangin a lut bawk a, Punjab FC hian Mizoram player kawl an nei lo thung.