BCA dang thei an la awm lo

Mizoram Super League season 11 khelh mekah Zarkawt BCA hneh theitu an la awm lo a, BCA hian Thawhṭanni tlai khan 81-65 in Saron BC an hneh a, match li khel tawhin la chak vekin champion turin kawng dik an zawh.

BCA ran pawn player Caio Domingos Oliveira-a'n point 31 neiin a score sang ber a, rebound vawi 12 a la bawk. Oliveira hi a teammte ten an thlawp ṭha bawk a, Lalhmingsanga'n point 18 score-in Lalnunpuia Renthlei (R-a) in point 12 a nei bawk a, R-a hi player of the match-ah thlan a ni.

Saron BC tan Hugo S Chotter-a'n point 14 a nei a, Lalhmachhuana (12) leh Samson Stephen Sandhu (10) te khel chhe lo mah se an vanduai zan an tawng a, BCA hneh nan a tawk lo.

Zemabawk vs TBL

Inkhel hnuhnung zawkah Zemmabawk BC chuan 96-79 in Khatla TBL an hneh lo a, MSL 11-ah chak an la nei lo.

TBL captain Vanlalṭhazuala chuan point 21 neiin a score hnem ber a, player of the match-ah thlan a ni bawk. Ṭhazuala bakah hian Emmanuel VL Awmpuia (17), Makhel Ahkim Mitchell (15) leh Amjoy Singh Gill (16) ten TBL chak nan an thawh hlawk hle.

Zemabawk BC tan Lallianmawia'n point 27 zet a score a, LM-a bakah hian K. Lalthianghlima (16) leh Carl James Snyder (15) te khel ṭha mah se TBL an ngam lo a, a vawi thum nan an tlawm.

Match thum an khelh tawhah Zemabawk BC an la tlawm vek a, an la harh chhuak thei lo. An match khelh hmabakah hnehna an chang vek a nih loh chuan semifinal khelh phak a harsa tawh dawn.