Goal khung tam ber MC-a

MPL8-ah Chhinga Veng striker MC Malsawmzuala'n goal 12 khungin top scorer a ni a, amah hnaih bertu F. Lalremsanga'n goal 11 a khung.

Siaha tlangval MC-a hian match match 11 inkhel bul a ṭan aṭangin goal 12 a khung a, minute 82 danah goal khat zel khung ang a ni. MC-a hian MPL8-ah minute 90 chhung khelh vawi ruk chauh a nei a, vawi nga an thlak bakah bench aṭangin vawi nga a lut.

Hetichung hian MC-a hian goal 12 a khung thei a, MPL season khata goal khung tam lamah MPL4-a F. Lalrinpuia record goal 14 chiah a tluk lo. Lengpui tlangval Remsanga'n final-ah goal khat khung mah se top scorer ni tura hattrick siam a mamawh avangin MC-a a khum zo ta lo. Remsanga hian minute 121 danah goal khat zel a khung a, record ṭha tak a nei nachungin MC-a chet ṭhat ṭum a tawn avangin a vanduai ta a ni.