Thunder chakna SGA record

Oklahoma City Thunder chuan nimin zing khan 129-126 in Denver Nuggets an hneh a, Shai Gilgeous-Alexander chuan an chakna three point a lut a, NBA legend Wilt Chamberlain-a record, a zawna match 126 chhung point 20 score tlin ziah chu a nihrual.

Paycom Center, Oklahoma-a inkhelah OKC tan SGA a langsar a, point 35 leh assist 15 a nei a, rebound vawi kua lain triple double a siam teuh hle. Canadian shooting guard Shai a khel ṭha tak zet a, ground chhungah team innghahna ber a n ni a, a dam ṭhat phawt chuan khawvela ṭha berte zinga mi a ni.

SGA hi a teammate te aṭangin puihna a dawng ṭha a, Jaylin Williams (29), Ajay Mitchell (24), Jared McCain leh Isiah Joe (13) te an khel ṭha a, Thunder chak nan an thawhhlawk hle.

Nuggtes tan Nikola Jokic-a khel ṭha a, Serbian center hian point 32 leh assist 13 neiin rebound vawi 14 a la a, triple double a siam a, a team a chakpui zo lo thung.

Jokic bakah Tim Hardaway Jr (28), Jamal Murray (21) leh Aaron Gordon (23) te an khel ṭha viau mah se a vanneih zan a ni lo a, point thum lekin Thunder an hneh lo.

OKC tan Alex Caruso a inlan lo a, kum 32 mi Caruso hian March 4, Nilainia New York Knicks nen an inkhelh ṭumin a kawngah hliam a tuar a; March 12, Ningania Boston Celtics an hmachhawn hunah a lo kir beisei a ni.