Sri Lanka head coach thar Kirsten

Sri Lanka chuan South Africa opener hlui Gary Kirsten chu head coach atan an la. Kum 2011-a India-in World Cup an champion ṭuma coach Kirsten hian April 15, Nilaini aṭangin Lions hi a enkawl ṭan ang.

T20 Cricket World Cup neih zawh takah Sri Lanka hian Super 8 thleng mah semifinal an lut pha lo a, kum 58 mi Kirsten hoin insiamṭhat an tum dawn. Kirsten hian Pakistan pawh a lo enkawl tawh a, kum hnih contract ziak mah se Shaheens hi thla ruk chiah a enkawl.

Sri Lanka hmachhawp lian ber chu 2027 World Cup a ni a, cricket inelna lian atan hian Lions-in Kirsten hoin inbuatsaihna an ṭan ang. Tun thla hian Sri Lanka-in Afghanistan nen T20 match thum an khel dawn a, September thlaah England nen ODI leh T20 match thum ve ve an khel leh ang.