AIFF-in ATK coach hrem

India rama football thuneitu sang ber All India Football Federation (AIFF) hnuaia Disciplinary Committee chuan ATK coach  Antonio Habas, goalkeeping coach Angel Pindado leh Kerala Blasters head coach Eelco Schattorie-te chu match hnih chhung atan an hrem. 

January 12 khan ATK leh Kerala Blasters te hi Indian Super League-ah an inkhel a, coach pahnih hi khelmual sirah in tih elin mawi lo takin an che a, inkhelh tawp thlengin boruak a dai lo. AIFF chuan hei hi hrethiam loin match hnih chhung an team kaihruai thei lo turin an hrem ta a, pawisa an chawitir ve ve bawk - Habas leh Eelco hi cheng nuai khat ve ve chawitir an ni a, an pek hma chu match khat hrem belh zel an ni ang. 

ATK goalkeeping coach Angel Pindado chu Blasters assistant-coach Ishfaq Ahmed lakah a chet mawi loh fal avangin a sum chawi zat tih hnem bik a ni a, cheng nuai hnih a chawi dawn. Hetihlai hian NorthEast United chuan midfielder thar  Simon Lundevall an lalut a, Swedish midfielder hi an ram tan pawha lo inlan tawh a nih avangin danglamna thlen thei tura beisei a ni.