Kane a lo kir mai thei - Kompany

Bayern Munich coach Vincent Kompany chuan, zanin dar 8-a Leverkusen an hmachhawn hunah Harry Kane a lo kir mai thei niin a sawi a, a khel dawn em tih a chiang lo thung.

Kum 32 mi Kane hian a chawnah hliam a neih avangin kar hmasaa Borussia Monchengladbach an hneh ṭumin a inlan tawh lo a, Thawhleni zan Champions League-a Atalanta an sawp ṭumin a inlan tawh lo bawk a, a awm loh chhungin Nicolas Jackson-a'n a hmunruak a hnawh khat.

Kompany chuan, "Tun karah ṭha takin training a nei a, risk kan lak ngam loh vangin kan khelhtir lo. Leverkusen lakah a khel thei mai thei a, mahse engmah kan sawi chiang ngam lo thung. A infit a nih phawt chuan a lut ang," tiin a sawi.

English forward Kane hi tun season-ah a che ṭha a, inelna hrang hrang goal 45 a khung tawh a, Bundesliga bikah goal 30 khung tawhin amah hnaih bertu Deniz Undav aiin a letin a khung hnem zawk a, a lo kir a nih chuan bayern an ṭha sawt ang.